ALHLIÐA PÍPULAGNIR

Fyrirtækið var stofnað 1986 og voru eigendur Pípulagningameistararnir Christian Þorkelsson og Reynir Baldursson. Við byrjuðum á þjónustu við einstaklinga og tókum eitt og eitt hús í nýlögnum. Fljótlega fórum við að taka þátt í útboðum og fyrsta verkið var Perlan á Öskjuhlíð. Einnig þjónustuðum við ÁTVR á upphafs árunum og gerum enn.

​

Árið 1999 keypti Christian hlut Reynis og hefur síðan rekið fyrirtækið einn með hjálp góðra manna sem hafa unnið hjá fyrirtækinu, margir mjög lengi.

​

Á þessum 34 árum sem fyrirtækið hefur verið starfrækt hefur rekstur þess undið jafnt og þétt upp á sig og hefur starfsmannafjöldinn mest farið í 78 manns.

​

Alhliða pípulagnir er eins og nafnið segir, í öllu sem viðkemur pípulögnum og höfum við talsverða sérþekkingu í mannskapnum sem hefur nýst okkur vel í gegnum árin.

​

Stór hluti starfseminnar er í útboðum og meðal okkar stærstu verka er m.a Perlan í Öskjuhlið, Hús Íslenskrar Erfðagreiningar í Vatnsmýrinni, Reykjanesvirkjun, Álfheimar 74, Svartsengi 2 áfangar, Stækkun á Keflavíkurflugvelli, Borgartún 19,21 og 21A, Korputorg, Sæmundargata 21 stúdentagarðar með 244 íbúðum og Hótel í Landsímahúsinu.

Einnig hefur fyrirtækið tekið þátt í samsteypu verkefnum með öðrum fyrirtækjum í greininni ss Salalauginni í Kópavogi, Þeistareykjavirkjun og húsnæði Costco í Garðabænum.

​

Þá bjóðum við upp á reglubundnar skoðanir á stærri eignum skv samningi við húseigendur.

​

Einnig sjáum við um reglubundnar skoðanir á sprinklerkerfum í samræmi við reglur Mannvirkjastofnunninnar og eldvarnaeftirlitsins um slíkar skoðanir.

​

Við erum með samning við Kópavogsbæ um viðhald og viðgerðir í þeirra eignum og höfum sinnt því síðan 2013.